د مسکن چارو تنظیم

ناپیژنده (not verified)
دوشنبه ۱۳۹۸/۷/۲۹ - ۱۰:۳۲
Housing

د ښاري پراختيا عالي شورا کې د مسکن پاليسۍ له تصويب سره، د کم عايد لرونکو، متوسط عايد لرونکو او لوړ عايد لرونکو لپاره د کور جوړونې زمينه برابره شوې ده.

د دې پالیسۍ له تطبیق سره به ښوونکو، دولتي مامورینو، متقاعدینو، افسرانو او د هېواد دفاعي او امنیتي ځواکونو د کورنیو شهیدانو، کډوالو، کورنیو بې ځایه شویو کډوالو، کوچیانو او د ټولنې نورو وګړو ته د مناسب مسکن زمینه برابره شي. دې موخو ته د رسېدو لپاره د مسکن وجهي صندوق هم رامنځته شوی چې له بېلابېلو سرچینو تمویلیږي.

په ننګرهار، هرات او کابل کې د بېرته راستنېدونکو او بې ځايه شويو کډوالو لپاره  ۱۲۰۰۰ جریبه ځمکه چې ۱۶۰۰۰ نمرې کېږي، ځانګړې شوې. د دې ځمکې د سروې ټول پړاونه او پلان جوړونه بشپړه شوې او ډېر ژر به پر مستحقینو وویشل شي.