د افغانستان د ځمکوالۍ بنسټیز نظام پراختیایي پروګرام

sakina_admin
IDPL

Due

-

د افغانستان د ځمکوالۍ بنسټیز نظام پراختیایي پروګرام د جلالتماب جمهور رئيس محمد اشرف غني او د ښار جوړولو او ځمکو وزارت په نه ستړې کېدونکو هلو ځلو له ترکیې هېواد سره په همغږۍ رامنځته شو.

د دې پروګرام موخه د معاصرې ټکنالوژۍ پر مټ د ځمکوالۍ په برخه کې د نوي او غوره سيسټم رامنځته کول دي. دا پروګرام د فرعي برخو په ګډون درې عمومي برخې لري:

لومړی د جيوديتيک زيربنا په دريو برخو کې د جغرافيایي معلوماتو د زيربناو ، د اساسي نقشو، د ځمکو معلوماتي سيسټم او معلوماتي ټيکنالوژۍ رامنځته کول دي. د کوردیناتي سیستم ټاکل، د ګړنلارو، تګلارو او عملیاتي چارو رامنځته کول، په یو ټوليز او الکترونیکي سیستم کې د ځمکو اړوند معلوماتو ثبتول، د مرکزي او ولایتي دفترونو نښلول او د راټولو شویو شمېرو خوندي ساتل د دې برخې له عمده اهدافو څخه شمېرل کېږي.

په دویمه برخه کې د ځمکې د ثبت سیستم دی، چې کدستر، د ځمکې ثبت، د ملکیتونو او د ځمکې مدیرت لپاره ګټور او کاري سیستم رامنځته کول او د دولت په ضمانت د قبالې ویشل په شامل دي.

دریمه برخه بيا د ځمکې پالیسي او ظرفیت جوړول دي، چې په دې ډله کې د ځمکې ملي کوډ تدوین، د ښار جوړولو او ځمکو وزارت د تخنیکي او تربیوي انستیتیوت لپاره د تجهیزاتو برابرول شامل دي.

د دې پروګرام پیل له لویو ښارونو څخه شوی او په راتلونکو پنځو کلونو کې به په تدریجي ډول د هېواد ټولو سیمو ته وغځول شي او په دې برخه کې له کاره لوېدلې، پخوانۍ او وخت نيوونکې پروسې به په نوي او عصري سيسټم بدلې شي.

ښاغلی مولوي حمدالله نعماني

 

7 میاشتې ۱ اونی ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د ښار جوړولو او ځمکو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د ښار جوړولو او ځمکو وزارت سرپرست
minister image new 1